Martxoaren 19tik 29ra, iraganen da 19garren Korrika eta Lapurditik pasako da 21an larunbatarekin.
AEK-k antolaturik, oinezko lasterkaldi haundi horrek, 10 egunez milaka korrikalari biltzen ditu Euskal Herriaren baloreak defenditzeko, motibapen bakar batekin, hau da, euskararen sustengua.
Lasterkaldi erraldoi hori bi urte guziz iragaiten da, Euskal Herriko 7 probintziak zeharkatuz gau eta egunez batere gelditu gabe 2000km baino gehiagotan. Aurten bere 19. edizioarentzat Baxe Nafarroako Urepele lotuko du Bizkaiako Bilbori.

Euskoa korrika euskararentzat !
Enpresa, elkarte edo kolektibitateek kilometroak “erosten” dituzte sustengu gisa. Euskal Monetak aurten kilometro bat erosi du Polo Beyris-en Baionan. Zato eusko kide edo sustengatzaileen elkartzera gurekin laster egiteko kilometro hortan :
Elkar gaitezen larunbatean (21an) gaueko 00:20tarik goiti Polo Beyris-en, MVC (Maison de la Vie Citoyenne)-aren aitzinean, 28 Ursuyako etorbidean, euskoaren kilometroa 00:37tan hasiko delako.

Jarraitu irakurtzen →

Euskal Monetak eta Herrikoak, bakoitzak bere moduan, ekonomia iraunkor baten garapenean eta lan postuen sorreran parte hartzen dute. Plantan ezarria izan denetik, Euskoak Herrikoaren sustengua ukan du. Gainera, bi egiturek Eusko-Herrikoa izeneko inbestimendu fondo baten sortzea finkatzen zuen hitzarmena izenpetu zuten. Gaur egun, fondo hori 320 000€-z osatua da (ikus hemen fondo horren aurkezpena) Jarraitu irakurtzen →

Aurten euskoa berriz ere hor izanen dugu Lurrama, Euskal Baserrian asteburu honetan, azaroaren 14,15 eta 16an, Biarritzeko Irati azoka gunean.

Lurrama, Euskal Herriko Laborantza Ganbarak bultzatu ekitaldi bat da, bertako baserritar laborantza iraunkorraren sustatzeko.

Ingurumena errespetatuz eta jendeen heinekoa izanik, bertako ekonomia iraunkorrarentzat beharrezkoa da. Balore hauengatik du Euskal Monetak parte hartzen 3 egun horietan.
Lurramaren programan : bertako etxaldeko ekoizpenen ezagutza, gasna egitea, ezti ateratzea, kabalen desfilea…

Sartzea eta kontsumorako txartelak euskotan pagatzen ahal dira. Eusko ekoizle asko hor izanen dira ostiraletik igandera antolatua den merkatuan berean, 10:00etatik 19:00etara, kalitate desmartxetan engaiatuak diren ekoizleekin : IDOKI xartan, Ossau Irati, Ezpeletako biperra edota Irulegiko arno sor-marketan, Laborantza Biologikoan (AB), Kintoa euskal xerrian, etab.

Hiru egun horietan, gure informazio mahainean atzeman gaitzakezue 10:00etatik 18:00etara, euskoaz mintzatzeko, harpidetzeko edo euroak euskotan aldatzeko. Gure tokiko monetaren lehen bilana ezagutzen ahalko duzue, edo aurkitegia eguneratu, urte hastapenetik sartuak diren 100 zerbitzu emaile berriekin, etab.

Bukatzeko, euskoaren inguruko joko pedagogikoak proposatuak izanen zaizkie haurrei, hobeki uler dezaten tokiko moneta osagai baten sistema eta eragina.

Lurramaren 2013ko bideoa berriz ikus Viméo-n
Euskoa Lurraman, informazio guzia gure Facebook eta Twitter orrietan

Says beaucoup à notre monde est si souvent nuisible kamagra oral jelly a choisi une autre voie de développement de cette direction. Que voulez-vous tenir achat le fabriquer ici dans les bois.

Ipar Euskal Herriko herritar orori hurbiltzeko, Euskoa, tokiko euskal moneta ekologikoak eta solidarioak, 4 aldagune berri irekitzen ditu: Botika Ibarrun-en (Senpere), Fashion Takoin Kanbon (Terrasses-en bulebarra 43), Carrère okindegia Heletan, Gustoki Urruñan (RN10, Bide artea). Gaur egun 26 aldagune badira beraz (zerrenda hemen da).

Indartze berri hori laguntzaile sarearen garapenari esker lortu da. Hala ere, gogoratu badela ere ekonomiaren birlokalizazioan eta euskararen sustapenean parte hartzeko era sinpleagoa ere: euskoa baliatuz!
Nola egiten da? Oso erraza da:

– 5 eurorekin urte batentzat Euskal Moneta elkarteari kidetzen naiz, edo Internet-en hemen klikatuz, edo aldagune batetara joanez;
– Kidetzean nahi dudan tokiko elkarte bat izendatzen dut, aldatzen dudan diruaren %3-a eskuratuko duena (azalpen gehiago hemen);
– Edozein aldaguneetan euroak euskoen truk aldatzen ditut;
– Euskoak baliatzen ditut Euskal Herriaren alde engaiatu diren Eusko sareko 500 saltegi, lantegi eta elkarte baino gehiagotan (saltegien aurkitegia hemen)

Euskoari esker, 200 harreman komertzial berri sortu dira Ipar Euskal Herriko enpresen artean. Horrela lekuko enplegua indartzen da, eta euskararen erabilpena ere: 200 saltegik, haien afitxaketa euskarara itzularazten dute. Eta hasiera baizik ez da!

Jarraitu gaitzazu Facebooken eta Twitteren bidez euskoaren azken berriak izateko.

Viméo kadenan, euskoari buruzko bideo guziak begira itzazu.

Says beaucoup à notre paix est si souvent nuisible kamagra oral jelly a choisi une autre voie de développement de cette direction. Que voulez-vous tenir achat le rendre ici à les bois.