Pelletier karrikan atsemango gaituzue Abenduaren 17 eta 18an, larunbat eta igandez, Baionako Eguberriko solidario eta bidezko merkatua kari.
Merkatu alternatibo horrek Euskal Herri osoko nekazari, artisau eta sortzaileak biltzen ditu.

Eguberri hurbiltzen zaigula eta, opariak aktiboki bilatzeak kontsumo gainkostu bat sortzen du. Merkatu alternatibo horrek Eguberriko beste ikusmolde bat erakusten digu, etikoa, elkartasunean oinarritua eta ekologikoa!
Horren kari, gure erakusmahaian euskokidetzea eguneratzen ahalko duzue 2017. urterako eta Eusko numerikoa abiatzear denez zuen online kondua prestatzen ahalko duzue.

Beraz asteburu huntan, denak Baionara, Pelletier karrikan!

Gure web gunean, «eguberriko eskaintza bereziak» atzematen ahalko dituzue ! Eguberriko oparientzat Eusko komertsanteek, izugarrizko prezio apaltzeak eskaintzen dizkizuete.

Liburutegiak, jantzi dendak, bitxi dendak, txokolatetegiak, zuen nahi edo gogoa asetzeko zernahi eskaintza aurkitzeko aukera izango duzue!

Beraz ez itxoin gehiago eta plan onen ezagutzera joan, balio dute abendu osorako!

Erlaitzaren Besta dator, eta, horrekin, iaz bezala Euskoa bertan egonen da !

Usaian ez bezala, ez dugu euskoari buruzko informazio soila proposatuko.
Goizeko 10etatik arratsaldeko 18ak arte, haurrentzako tailerrak izango ditugu gure erakusmahaian. Barazkiak ezagutu, beraiekin tindatzen ikasi, … sasoiko barazkiekin jostetan hartzeko aukera ezin hobea izango da, beti ere, euskoa gogoan atxikiz !!!

Igandean, zatozte gure erakusmahaira gurekin tarte gozo bat pasatzeko !

Ondoko kontrol teknikoa egiteko ez duda, Santa Gurutze auzoan kokatua dagoen Contrôle technique Moncaden hitz-ordua hartu eta euskotan ordaindu!

Biarnès bidexka 2, Baiona
05 59 50 03 06