Ezkerretik eskuinerat : Dante Edme-Sanjurjo, lehendakari kidea ; Céline Bouery, Komunikazio batzordeko koordinatzailea ; Xebax Christy, lehendakari kidea
Euskoa, tokiko euskal moneta sustatu duen Euskal Moneta elkarteak orori irekitako lehiaketa bat antolatzen du kaleratzekotan den kide txartel magnetikoaren izena eta irudia aukeratzeko. Kide txartel hori, 2015ean, ordainketak egiteko txartela bilakatuko da, elkarteak daraman moneta elektronikoaren proiektua lagunduz.
Euskok hitzarmen bat izenpetu du Euskal Herriko Etxe Ekoizleen Elkartearekin (APFPB), laborantza herrikoiaren sustengatzea helburu amankomuna dutelako.
Batak bestearen promozioa eginen du (beren kideengan, internet guneetan, ekitaldi publikoetan…) eta tokiko monetaren garapenean parte hartuko duten APFPB-Idokiko laborarien kopurua emendatzerari buruz lan eginen dute.
Idokiko 108 ekoizleen arteko 25 kidek jadanik euskoa onartzen dute (Eusko eta APFPB kideen zerrenda), eta besteen parte hartzea erresteko, APFPB-Idoki kideei proposatua zaie urteko harpidetza prezio-erdian pagatzea, 30 eusko/eurotik hasiz, 60 eusko/euroren ordez. Aurrezte hori preziagarri izanen dute kalitatezko laborantza baten alde engaiatzen diren ekoizleek, jadanik urte-sari bana pagatzen baitiote, bi sareetatik bakoitzari.
Martxoaren 19tik 29ra, iraganen da 19garren Korrika eta Lapurditik pasako da 21an larunbatarekin.
AEK-k antolaturik, oinezko lasterkaldi haundi horrek, 10 egunez milaka korrikalari biltzen ditu Euskal Herriaren baloreak defenditzeko, motibapen bakar batekin, hau da, euskararen sustengua.
Lasterkaldi erraldoi hori bi urte guziz iragaiten da, Euskal Herriko 7 probintziak zeharkatuz gau eta egunez batere gelditu gabe 2000km baino gehiagotan. Aurten bere 19. edizioarentzat Baxe Nafarroako Urepele lotuko du Bizkaiako Bilbori.
Euskoa korrika euskararentzat !
Enpresa, elkarte edo kolektibitateek kilometroak “erosten” dituzte sustengu gisa. Euskal Monetak aurten kilometro bat erosi du Polo Beyris-en Baionan. Zato eusko kide edo sustengatzaileen elkartzera gurekin laster egiteko kilometro hortan :
Elkar gaitezen larunbatean (21an) gaueko 00:20tarik goiti Polo Beyris-en, MVC (Maison de la Vie Citoyenne)-aren aitzinean, 28 Ursuyako etorbidean, euskoaren kilometroa 00:37tan hasiko delako.
2015eko otsailaz geroztik, euroak euskotan aldatzeko eta ordaintzeko, Uztaritze eta Baigorriko herritarrek, hirigunetik hurbil, Eusko aldagune bat badute :
– Herriarena Trinketeko Ostatua, Bortzirieta auzoa, 64430, Baigorri : Neguko ordutegia : 
astelehenetik ostiralera 10:00etatik 14:00etara eta larunbatetan 10:00etatik 19:00etara ; Udako ordutegia : astelehenetik larunbatera 10:00etatik 19:00etara / Urteko oporraldiak : Eguberriko eta otsaileko eskola oporrak ;
– Hobeki Coiffure ile-apaindegia, Bazter Karrika, 64480 Uztaritze : asteartetan, 
asteazkenetan, ostegunetan irekia 09:30etatik 18:00etara, ostiraletan 09:00etatik 19:00etara ;
Ondorioz, gaur egun, 28 aldagune badira (zerrenda hemen da). Indartze berri hori Euskal Herriko ekonomia zirkularra garatzeko mobilizatutako laguntzaile sareari esker lortu da.