Euskal Herria, bertako ekonomia eta kultura sostengatu nahi dituzu ?
Orduan, euskoa erabil ezazu, hots, Euskal Herriko ekoizleak, merkatariak, hornitzaileak eta elkarteak zuzenean sostengatzen dituen tokiko moneta osagarria.
Tokiko moneta osagarri baten errolari buruz, gehiago jakin
Euskoak erabili ahal izateko, elkartearen kide legala izan behar duzu. Euskoak nola funtzionatzen duen jakiteko, Maiz egiten diren galderak hemen ikus itzazu
Joan den azaroaren 20ko Biltzar Nagusitik landa, Euskal Moneta lanean ezarri da 2015ean diru numerikoa abiarazteko : kide txartel magnetikoa, kontu irekitzeak euskoan eta ordaintzeko txartela.
Egitasmo horren gauzatzeko, boluntarioen beharra dugu. Biltzar Nagusitik hona, langile eta boluntarioak biltzen dituzten 7 lantalde osatu ditugu.
Egitasmoa lagundu nahi baduzu, talde horietako batean sartzen ahal zara. Lana bilkuren bidez, e-postaz edo distantziaz egin daiteke. Laguntza zure gisa eman dezakezu, noiz hemenka edo erregularki, zure ahalen arabera. Laguntza oro baliosa izanen da eta egitasmoaren arrakastan lagunduko du. Jarraitu irakurtzen
Euskal Monetak eta Herrikoak, bakoitzak bere moduan, ekonomia iraunkor baten garapenean eta lan postuen sorreran parte hartzen dute. Plantan ezarria izan denetik, Euskoak Herrikoaren sustengua ukan du. Gainera, bi egiturek Eusko-Herrikoa izeneko inbestimendu fondo baten sortzea finkatzen zuen hitzarmena izenpetu zuten. Gaur egun, fondo hori 320 000€-z osatua da (ikus hemen fondo horren aurkezpena) Jarraitu irakurtzen
Aurten euskoa berriz ere hor izanen dugu Lurrama, Euskal Baserrian asteburu honetan, azaroaren 14,15 eta 16an, Biarritzeko Irati azoka gunean.
Lurrama, Euskal Herriko Laborantza Ganbarak bultzatu ekitaldi bat da, bertako baserritar laborantza iraunkorraren sustatzeko.
Ingurumena errespetatuz eta jendeen heinekoa izanik, bertako ekonomia iraunkorrarentzat beharrezkoa da. Balore hauengatik du Euskal Monetak parte hartzen 3 egun horietan.
Lurramaren programan : bertako etxaldeko ekoizpenen ezagutza, gasna egitea, ezti ateratzea, kabalen desfilea…
Sartzea eta kontsumorako txartelak euskotan pagatzen ahal dira. Eusko ekoizle asko hor izanen dira ostiraletik igandera antolatua den merkatuan berean, 10:00etatik 19:00etara, kalitate desmartxetan engaiatuak diren ekoizleekin : IDOKI xartan, Ossau Irati, Ezpeletako biperra edota Irulegiko arno sor-marketan, Laborantza Biologikoan (AB), Kintoa euskal xerrian, etab.
Hiru egun horietan, gure informazio mahainean atzeman gaitzakezue 10:00etatik 18:00etara, euskoaz mintzatzeko, harpidetzeko edo euroak euskotan aldatzeko. Gure tokiko monetaren lehen bilana ezagutzen ahalko duzue, edo aurkitegia eguneratu, urte hastapenetik sartuak diren 100 zerbitzu emaile berriekin, etab.
Bukatzeko, euskoaren inguruko joko pedagogikoak proposatuak izanen zaizkie haurrei, hobeki uler dezaten tokiko moneta osagai baten sistema eta eragina.
Lurramaren 2013ko bideoa berriz ikus Viméo-n
Euskoa Lurraman, informazio guzia gure Facebook eta Twitter orrietan
Says beaucoup à notre monde est si souvent nuisible kamagra oral jelly a choisi une autre voie de développement de cette direction. Que voulez-vous tenir achat le fabriquer ici dans les bois.