Euskal Monetaren 2. biltzar nagusiak heldu den urteko euskoaren proiektuak jakinarazi ditu. Biziki positiboak diren bilanak aurkeztu eta aho batez bozkatu ondoren (ikus bilduma hor : Eusko AG:BN 2014), Euskal Monetako taldeak 2014eko proiektuak aurkeztu ditu ehundaka hor ziren erabiltzaile, komertsante, elkarte arduradun eta laguntzaileeri, joan den larunbatean Uztaritzeko Lapurdi gelan.
Lehentasuna erabiltzaileen diru kanbiatze banaz-bestekoaren emendaketa da, eta pundu horietatik pasatuko da :
– Tokiko taldeak osatu iparralde guzian , euskoaren bizia animatzeko lurralde guzian, esku ukaldi ttipi edo handiak emanez Euskal Monetako permanenteen taldeari. Borondate on guziak ongi etorriak dira euskoaren dinamizatzeko eta bere ondorio positiboen azkartzeko izan dadin euskara, ingurumena edota bertako enpleguarengan ! Gurekin harremanetan sar (meilez edo telefonaz, hemen klikatuz) dinamika berri hortan parte hartzeko !
– Elkarteak gehiago inplikatu Euskoaren Elkarteen Plana-ko 12 pundu sinpleetan osoki edo parteka sartuz, %3ko sistemaz balia diten edo horren bideko dirusartzea emenda dezaten. 2013an jadanik 10 000 eusko baino gehiago banatu ditu Euskal Monetak 30 elkarteeri. Interesatuak diren elkarteak gurekin harremanetan sar daitezke hemen klikatuz hitzordu baten eskatzeko.
– Diru aldaketa erraztu : jadanik aldaguneek 50euskoko gutunak prestak proposatzen dituzte aldaketa fiteago egin dadin (horrek ez du kentzen 20 edo 30 euro soilik kanbia daitezkela nahi bada). Hurrengo asteetan sistema berri bat esperimentatuko da : Eusko bitartekariak. Hauek dira 50 euskoko gutunak proposatuko dituzten eusko sareko komertsanta, enpresa edo elkarteak, aldagunerik ez den auzo edo herrietan, jendeak errexki kide karta erakutsiz 50 euroren truk txekez edo eskudiruz euskoak atxeman ditzan.
– Eusko Eskaintzak, sareko enpresa edo elkarteak ezagutarazteko eta erabiltzaileek ekonomiak egin ditzaten. 50 eskaintza baino gehiago ikusgai dira linean (hemen klika) baita Facebook eta Twitter-en hedatuak. Paperezko aurkibidea ere biziki garrantzitsua da sarearen ezagutarazteko, eta aste undar huntatik goiti atxemaiten ahalko duzue aldaguneetan (eusko bateko parte hartzea galdegina da, zeren eta maketa Amaia Iribarren-ek dohainik egina badu, inpresio gastuengatik ezin dugu urririk banatu).
– Eusko zintzur bustitzeak, azkenik, ahotik belarrira hitza pasaarazteko : erabiltzaile bazira, mini-formakuntza bat eta material zonbait proposatzen dizkizugu zure lagunen gomitatzeko eta euskoaren ezagutarazteko zure etxean !
Berrikuntza ainitz Euskoarentzat 2014ean, baina ororen gainetik euskoak zure beharra du oldar berean segitzeko ! Izan dadin bizpahiru oren hilabeteka edo laguntza segituago bat, zure eskualdean, Baionan edo zure etxetik, Euskal Monetako taldea kontaktatu parte hartzeko !
Says beaucoup à notre monde est si souvent nuisible kamagra oral jelly a choisi une autre voie de développement de cette direction. Que voulez-vous tenir achat le produire ici dans les bois.
